ന്യൂഡല്‍ഹി: മൊബൈല്‍ ഫോണ്‍ നോക്കി നടക്കുന്നതിനിടെ മെട്രോ ട്രാക്കില്‍ വീണ് യാത്രക്കാരന് പരിക്ക്. യാത്രക്കാരന് വീഴുന്നതിന്റ വീഡിയോ വീഡിയോ സമൂഹമാധ്യമങ്ങളില്‍ വൈറലായി. ഡല്‍ഹി ഷഹ്ദാര മെട്രോ സ്‌റ്റേഷനിലാണ് സംഭവം. ഫോണില്‍ നോക്കി പ്ലാറ്റ്‌ഫോമിലൂടെ നടക്കുന്നതിനിടെ ഇയാള്‍ ട്രാക്കില്‍ വീഴുകയായിരുന്നു.
ട്രാക്കില്‍ വീണ ഉടനെ യാത്രക്കാരും ഉദ്യോഗസ്ഥരും ഉറക്കെ ബഹളം വച്ചെങ്കിലും കാലിന് പരിക്കേറ്റ യാത്രക്കാരന് എഴുന്നേല്‍ക്കാന്‍ കഴിഞ്ഞില്ല. ഒടുവില്‍ ഒരു സിഐഎസ്എഫ് ഉദ്യോഗസ്ഥന്‍ ട്രാക്കില്‍ ഇറങ്ങി ഇയാളെ പ്ലാറ്റ്‌ഫോമിലേക്ക് കയറ്റുകയായിരുന്നു.
58 കാരനായ ഷൈലേന്ദര്‍ മേത്ത എന്ന യാത്രക്കാരനാണ് ട്രാക്കില്‍ വീണത്. ഇയാള്‍ക്ക് കാലിന് നിസാര പരിക്കേറ്റതായി സിഐഎസ്എഫ് ഉദ്യോഗസ്ഥര്‍ പറഞ്ഞു.